۱
میڈی سوچ تے پانڑیں پھیر سجنڑ ڈتو کھیڈ ونجا میڈا کیا رہ گے
میڈا امن سکون آرام خوشی کیتو لونڑ سُوا میڈا کیا رہ گے
کر ختم جوانی شاکر دی ڈتو کمر نِوا میڈا کیا رہ گے
میڈے شکوے تے اعتبار نہ کر چلو آپ ڈسا میڈا کیا رہ گے
2
اللہ دولتاں نال نوازیا ای ایڈے فخر کریندا کیوں ایں
غریب نوں طعنے غربت دے سردار مریندا کیوں ایں
مجبور ہاں اختر شوق تاں نہیں گلاں ڈہیر کریندا کیوں ایں
خیرات نا دے تیڈی مرضی اے . کشکول بھنیدا کیوں ایں
3
جیڑا پیار دا ڈیوہ بالیا ہم او وسم کے اج تئیں بلیا نئیں
اوں وقت کوئی ایجھا شخص نہ ہا جیڑا ڈیکھ کے ساوکوں جلیا نئیں
لگی نظر تے یار نکھیڑے تھئے ول زہن ڈوہاں دا رلیا نئیں
ایجھا چھوڑ تے محور منہ کیتس گئی عمراں ڈھل او ولیا نئیں
4
ہک شخص کوں ڈہداں رات دا میں کلھا ویندے چڑھ چوبارے تے
اللہ جانڑدا ہے کیا روگ ہیسی متھا روندے ٹیک کنارے تے
بہہ تارے رات دے گنڑدا ہے کہیں کیتے ظلم بیچارے تے
اونکوں محور کئی نچویندا پے جیندے نچدن لوک اشارے تے
5
ساح جولدن بھانویں نئ جلدے، میکوں نال رلائ جئل میں جولداں
میڈاں ساریاں تیاریاں تھیاں لاتھین ،کہیں ھال رلائ جئل میں جولداں
میڈی کوئ شے قہر اچ کھڑڑیں ھے ،میڈی لاش کھڑائ جئل میں جولداں
میکوں عشتر ہتھ نپ نآ نے توں، میکوں پیریں پئ جئل میں جولداں
6
جھیڑے جھگڑے سَٹ تے سارے جنگل جُل جیران کریچے
یا ول جیویں کینویں تھیوے وستی وچ گزران کریچے
گُنگے بآتے لوکاں سامھیں دھاں فریاد اُلامبھے کیہیں
اندھیاں اَگوں رورو تے کیوں اَکھیں دا نقصان کریچے
مونجھـ کلہیپا وانجھــ وچھوڑا بے سیتی دیاں سانجھاں اُتے
ہک بئے کوں پرچاونڑ سانگے ہک بئے گڈ ارمان کریچے
آپوآنڑی سیت ہے سب دی ہر کہیں دا مقصوم ہے اپڑاں
بئے دی تھندھی ڈیکھـ تے اپڑیں سُکی کیوں قربان کریچے
7
وئے کوئ جرم سچیندون چھوڑ نہ ویندوں،میڈا دلبر بے پرواہ ئے
کجھہ نہ ڈسوھئ رول ڈیتوھئ ،کہیں ڈتی ھئ غلط صلاح ئے
نت ظلم سوچیندیں اتے خوش پیا تھیندیں ،رل غیراں دے ہمراہ یے
جیندیں مار موکائ بیوس کوں ، ودے آندن رک رک ساہ ئے
8
سب خیرء تیڈی خیر ھووے کیا فائدہ دھاں فریاد دیوچ
تیڈیاں یاداں انڑکُھٹ رمزاں ہن لَکھـ جُگ ہن ہک ہک یاد دیوچ
ہے پیریں وچ چھنڑکار ھکو ھکا سُر ہے ہر دم ناد دیوچ
آ طارق یار منیج ونجوں وت بعد دے جھیڑے بعد دیوچ
